Meqan Marklın atası yaşayış binasının 19-cu mərtəbəsində qalıb
Filippinin Sebu şəhərində 81 yaşlı Tomas Markl güclü zəlzələdən sonra çətin vəziyyətə düşüb. Bu barədə onun qızı Samanta sosial şəbəkədə məlumat verib.
Sfera.az bildirir ki, məlumata görə, Meqan Marklın atası 6,9 bal gücündə zəlzələdən sonra yaşayış binasının 19-cu mərtəbəsindədir.
"Atam Filippində güclü zəlzələdən sonra binanın 19-cu mərtəbəsində ilişib qalıb. O, yeriyə bilmir və sıxışıb qalıb"- deyə Samanta Markl yazıb.
Zəlzələ çərşənbə axşamı baş verib. İlkin məlumatlara görə, azı 69 nəfər ölüb.
Qeyd edək ki, Tomas Markl oğlu ilə birlikdə Sebu adasında yaşayır. Ayda 500 funt sterlinqə mənzil kirayə götürüblər.
"O, indi yaxşıdır və bu binadan çıxmağı planlaşdırır"- deyə Samanta daha sonra əlavə edib. O, evə dəymiş ziyanla bağlı ətraflı məlumat verməyib.
Onu da qeyd edək ki, Tomas Markl bu ilin yanvarında Filippinə köçüb. O, əvvəllər Meksikanın Rosarito şəhərində yaşayıb.
81 yaşlı kişinin səhhətində problemlər var. May ayında o, havada gəzərkən dəyənəkdən istifadə edərkən görüntülənib.
Xatırladaq ki, Tomas Markl 2018-ci ildə Şahzadə Harri ilə toyundan sonra qızı Meqanla münasibət saxlamayıb. O, nəvələri Arçi və Lilibeti də heç vaxt görməyib.
Aynil
