Həkim səhvi fəlakətə səbəb oldu: 15 yaşlı uşağın böyrəyi partladı
Rusiyada baş verən hadisə eşidənləri şoka salıb. 15 yaşlı oğlan böyrək əməliyyatından sonra həkimlərin buraxdığı kobud səhvin qurbanı olub.
Sfera.az bildirir ki, 15 yaşlı Maksim adlı oğlan həkim səhvi ucbatından həyatını dəyişən qalmaqal yaşayıb.
Bədənində qalan tibbi ləvazimatlardan böyrəyi ciddi zədələnib və o, aylarla dözülməz ağrılar keçirib. Ailəsi səhlənkarlığa görə klinikanı məhkəməyə verib və bu hadisə ölkənin səhiyyə sisteminə qarşı tənqidləri daha da gücləndirib.
Moskvada Avropa Tibb Mərkəzində böyrək problemi ilə bağlı əməliyyat olunduqdan sonra əməliyyatdan sonra onun bədənində iki borunun qaldığı məlum olub.
Əslində, Maksimin yaşadığı problem sidiyin böyrəyindən sidik kisəsinə düzgün axmaması olub.
Buna görə də həkimlər onun sidik axarını sidik kisəsinə birləşdiriblər. Əməliyyatdan bir ay sonra drenaj borusu çıxarılsa da, qısa müddət sonra uşaq yenidən şiddətli ağrı və təzyiq hiss edib. Anasının dediyinə görə, həkimlər bunu "əməliyyatdan sonrakı normal proses" kimi qəbul edərək onu evə göndəriblər.
Aylar keçdikcə ağrı dözülməz hala çatıb.
Maksim yenidən xəstəxanaya yerləşdirilib, burada müəyyən edilib ki, onun sidik axarı tamamilə bağlanıb və böyrəyi aylarla sidiyi çıxara bilməyib. Bu zaman böyrəyi boşaltmaq üçün onun kürəyinə boru daxil edilib. Daha sonra başqa bir klinikada aparılan müayinə zamanı gəncin bədənində ilk əməliyyatdan iki borunun qaldığı məlum olub.
Maksimin anası oğlunun indi ömür boyu təzyiq dərmanı qəbul etməli olduğunu, məktəbə gedə bilməyəcəyini və gələcəkdə böyrək transplantasiyası riskinin artdığını bildirib. Ailə klinikaya qarşı təqribən 1 milyon avro təzminat tələbi ilə məhkəməyə müraciət edib. Lakin klinika iddiaları rədd edir və ailədən müalicə xərclərinin ödənilməsini tələb edir.
Aysel
