Polşada təyyarə qəzaya uğradı: Ölən var

Polşanın Radom şəhərində keçirilən Radom Aviasiya Sərgisinə hazırlıq zamanı F-16 qırıcısı qəzaya uğrayıb.
 

Sfera.az bildirir ki, pilotun ölümü barədə Polşa hökumətinin sözçüsü Adam Szlapka məlumat verib. Təyyarə yerə dəyməyə yaxın bir neçə metr uzaqlıqdan partlayıb.
 

Szlapka əlavə edib ki, müdafiə naziri Vladislav Kosiniyak-Kamış Polşanın baş naziri ilə danışıb və hazırda faciə yerinə gedir.
 

Clash Report xəbər verir ki, Polşanın Radom şəhərində F-16 Tiger Demo döyüş təyyarəsinin qəzaya uğraması nəticəsində həlak olan pilot Polşa Hərbi Hava Qüvvələrinin Tiger Demo Komandasının komandiri Macey Krakovyak olub.
 

Dövlət Yanğından Mühafizə Xidmətinin Radom şəhər idarəsindən kiçik kapitan Viktor Romanovski qəzanın avqustun 30-31-də keçirilməsi planlaşdırılan aviaşou üçün məşq zamanı baş verdiyini təsdiqləyib.
 

Hava şousu müddətində Radom Hava Limanında məhdudiyyətlər, o cümlədən tədbirin keçirildiyi günlərdə parkinq yerlərinin azaldılması və hava limanına girişin məhdudlaşdırılması artıq tətbiq edilmişdi.
 

Reyslər planlaşdırıldığı kimi növbəti günlərdə baş tutmalı idi. Lakin indi məhdudiyyətlər tətbiq oluna bilər, çünki qırıcının qəzaya uğraması nəticəsində təyyarənin düşdüyü uçuş-enmə zolağı dağılıb.
 

Qeyd edək ki, aviasiya şousunun bu həftə sonu, avqustun 30 və 31-də Radom hava limanında baş tutmalı idi. Bu, müxtəlif təyyarə və helikopterlərin akrobatika nümayiş etdirdiyi tədbirdir. İki ildən bir keçirilir və həmişə minlərlə tamaşaçı cəlb edir.

Aysel