Məhkəmə epilepsiya xəstəsi olan gözətçiyə 24 milyondan çox təzminat ödəməyi əmr etdi

Britaniya həbsxanasının mühafizəçisi xeyli miqdarda təzminat alacaq.

Belə ki, həbsxana gözətçisi epilepsiya diaqnozu ilə qanunsuz olaraq işdən çıxarıldıqdan sonra məhkəmə ona 440 min funt sterlinqdən çox təzminat təyin edib. Rəhbərlik epileptik tutma zamanı onun açarları yerə atacağından, məhbuslar tərəfindən götürülə biləcəyindən və bunun təhlükə yarada biləcəyindən narahat olub.

 

Sfera.az bildirir ki, Endryu Mallinqerin hekayəsi Durham qraflığındaki HMP Holme House həbsxanasında başlayıb. 2023-cü ilin əvvəlində diaqnoz qoyulduqdan sonra o, məhbuslarla təmasda olma, müstəqil iş, gecə növbəsi və açarların daşınmaması şərti ilə məhdud vəzifələrə təyin edilib. Səhiyyə rəsmiləri onun son tutmasından sonra ən azı altı ay bu rejimdə qalmasını tövsiyə ediblər.
 

Ancaq bir neçə ay ərzində yüksək səviyyədə xəstəlik olmasa da, təzyiq altında olan həbsxana rəhbərliyi Mallinqeri işdən çıxarmaq qərarına gəlib. İclasda qubernator bildirib ki, xəstəlik səbəbindən çox işdən qalmaq keyfiyyətli və effektiv xidməti əks etdirmir.
 

İş üzrə hakim Adele Aspden qərarın ayrı-seçkilik olduğunu müəyyən edib:
 

“Ədliyyə Departamenti ağlabatan düzəlişlər etmək vəzifəsini yerinə yetirə bilməyib. Əgər olsaydı, iddiaçını işdən çıxarmazdılar".
 

Məhkəmə qeyd edib ki, onu birdəfəlik işdən çıxarmaq əvəzinə, açarları əldə etmədən inzibati işini davam etdirmək, səhhətinə görə öz hesabına müvəqqəti knarlaşdırmaq və ya xəstəlik məzuniyyəti vermək kimi alternativlər tapıla bilərdi. İşdən çıxarılmanın Mallinqerin həyatına təsiri çox əhəmiyyətli kimi təsvir edilib, çünki o, həbsxana sistemindəki bütün karyerasını itirib.

Xatırladaq ki, Britaniyanın əmək qanunvericiliyində işəgötürənlər əlil işçini yerləşdirmək üçün bütün ağlabatan addımları atmağa borcludurlar. Mallinqerin işi təhlükəsizliklə bağlı narahatlıqların qanuni olsa da, kompromis tapmaq cəhdləri ilə üst-üstə düşmədiyi sistemli uğursuzluğun bariz nümunəsi olub.

Aynil