Onların sosial şəbəkə hesabları nəzarətə götürüləcək

ABŞ səlahiyyətliləri viza və ya yaşıl kart verməklə bağlı qərar verərkən immiqrantların sosial şəbəkələrində "antiamerikan" fikirləri olub-olmadığını yaxından yoxlamağı planlaşdırır.

Sfera.az "Wall Street Journal"a istinadən xəbər verir ki,  ABŞ Vətəndaşlıq və İmmiqrasiya Xidməti bildirib ki, onun zabitləri daimi yaşayış, viza və iş icazələri üçün müraciətlərə baxarkən ərizəçinin “antiamerikan və ya terror təşkilatlarına” aidiyyəti göstəricilərinə xüsusi diqqət yetirməlidirlər.

Yenilənmiş tövsiyə Soyuq Müharibə dövründəki immiqrasiya qanunlarına işarə edir ki, immiqrantların kommunist və ya anarxist təşkilatlarla əlaqələri varsa, onların ABŞ vətəndaşı olması qadağan edilir, lakin konkret hansı çıxışın “qeyri-Amerikalı” hesab ediləcəyi göstərilmir.

ABŞ Daxili Təhlükəsizlik Departamenti ölkənin siyasətini tənqid edən, lakin yenə də Amerikada yaşamaq və işləmək istəyənlərə bir daha göz yummayacağını bildirib.

Qəzet nazirliyin sözçüsündən sitat gətirib: "Amerikaya nifrət edirsinizsə, Amerikada yaşamağa çalışmayın. Bu, çox sadədir".

Daha əvvəl bildirilmişdi ki, ABŞ Prezidenti Donald Tramp Ticarət Departamentinə miqrantları, xüsusən də qeyri-qanuniləri istisna edən dəqiq hesablama ilə yeni siyahıyaalma aparmağı tapşırıb.

İyul ayında “The Economist” "YouGov" ilə birlikdə ictimai rəy sorğusu dərc edib və nəticədə amerikalıların 55%-i Trampın fəaliyyətindən narazı olduğunu bildirib . Vətəndaşlar narazılıqlarının əsas səbəbi kimi istehlak mallarının qiymətinin qalxmasını göstəriblər.

İnci