Kamboca və Tailand atəşkəslə bağlı razılığa gəldi
Tailand və Kamboca nümayəndələri Kuala-Lumpurda keçirilən danışıqlardan sonra sərhəd bölgəsindəki gərginliyin aradan qaldırılması üçün razılığa gəliblər.
Sfera.az xarici KİV-ə istinadən xəbər verir ki, Tailand hökumətinin yaydığı rəsmi bəyanata əsasən, sərhəd məsələlərinin həllinə dair birgə komitənin iclası başa çatıb və tərəflər arasında 13 bənddən ibarət razılaşma imzalanıb. Razılaşmaya əsasən, hər iki ölkə sərhəd xəttində atəşkəsə ciddi şəkildə riayət edəcək, gərginliyin azaldılması və bölgədə sabitliyin bərpası üçün müvafiq addımlar atılacaq.
Həmçinin tərəflər sərhəd boyunca sülhün və təhlükəsizliyin təmin olunmasına yönəlmiş protokolları da qəbul ediblər. Bu addım bölgədə uzun müddətdir davam edən qarşıdurmanın yumşaldılması baxımından əhəmiyyətli irəliləyiş kimi qiymətləndirilir.
Fidan Hacızadə
Sfera.az
