Mişel adlı 25 yaşlı gənc qız əvvəlcə yalnız qaşınma və qızartı hiss edib. Ancaq tezliklə onun sinəsi hədindən çox dərəcədə böyüməyə başladı və həyatını alt-üst etdi. Bu nadir hal onun həm bədənini, həm də özünə inamını hədəf alırdı.

Sfera.az təfərrüatları təqdim edir.

Mişel Sekvena adlı qadının həyatı 25 yaşına çatanda tamamilə dəyişib.

32A sinə ölçüsü ilə gənc qadın bir neçə ay ərzində 34G ölçüsünə çatıb. Səbəbi əksər insanlara məlum olmayan nadir bir vəziyyətdir: Gigantomastia.

Əvvəlcə Mişel yalnız yüngül qaşınma və qızartı yaşasa da, o, bu simptomların getdikcə pisləşdiyini görüb.

Xüsusilə büstqalter taxarkən sinəsində ağrı və narahatlıq hiss edirdi. Zaman keçdikcə onun döş toxuması o qədər sürətlə böyüməyə başladı ki, hətta bir neçə addım yerimək də Mişel üçün böyük sınaq oldu. Döşlərinin ağırlığı dizlərinə təzyiq göstərir, baş və bel ağrıları yaşayırdı.

Adətən yetkinlik və ya hamiləlik dövründə ortaya çıxan bu vəziyyət bəzən heç bir açıq səbəb olmadan da baş verə bilər. Şükürlər olsun ki, xərçəngə gətirib çıxarmasa da, bu prosesin psixoloji və fiziki təsiri Mişel üçün olduqca ağır oldu. Satış nümayəndəsi olduğu müddətdə ona hamiləymiş kimi baxan adamlar, ələ salmaları, daim diqqət çəkən görünüşü gənc qadının özünə inamını qırmışdı.

"İnsanlar mənə qəribə baxırdılar. Özümü bədənimdə yox kimi hiss edirdim. Böyük paltarlar geyinib, kapüşonla gizlənməyə çalışırdım. Ağrıdan gecələr düzgün yata bilmirdim və diqqətimi işə ayıra bilmirdim. Özümü dəhşətli hiss edirdim".

Nəhayət, Mişel xəstəxanaya müraciət edib və həkimlər ona giqantomastika diaqnozu qoyublar. Ən təsirli həll sinə kiçiltmə əməliyyatı idi. Ancaq bu prosedurun dəyəri 150.000 Cənubi Afrika randı (təxminən 6.000 funt) idi və Mişel bunu ödəyə bilməzdi.

Bir küncə çəkilən gənc qadın təcrübələrini “TikTok”da paylaşmağa başlayıb. Onun videolarına baxış sayı tezliklə milyonlara çatdı; bəzilərinə 22 milyon baxış olub. İzləyicilərindən aldığı dəstəklə o, ianə yığmağa başlayıb və əməliyyatın xərclərini qarşılamaq üçün tez bir zamanda kifayət qədər pul toplaya bilib.

Fevral ayında o, müvəffəqiyyətli bir əməliyyat keçirib və sinə ölçüsünü 34D-ə endirib. Yenidən doğulduğunu hiss edən Mişel ümidlə həyatına davam edir. Bununla belə, o, bu nadir vəziyyətin təkrarlanma riskinin olduğunu bilir.

Amma o, hələlik bu ehtimal haqqında düşünmək belə istəmir:

"Həyatımı geri qaytarmış kimi hiss edirəm. Bu, həqiqətən gözəl hissdir."

Aynil

Nadir və ağrılı xəstəlik səbəbindən sinəsi böyüyən gənc qızın hekayəsi