Çin Trampın təhdidlərinə məhəl qoymayacaq
ABŞ Prezidenti Donald Trampın Rusiyadan enerji idxal edən ölkələrə yüksək tariflər tətbiq etməklə hədələmələrinə baxmayaraq, Moskva ilə Pekin arasında enerji sektorunda qarşılıqlı faydalı münasibətləri nəzərə alaraq, Çin çətin ki, Rusiyadan neft almağı dayandırsın.
Sfera.az-ın xəbərinə görə, bu fikri ekspertlər "South China Morning Post" (SCMP) qəzetinin səhifələrində bildiriblər.
Şanxay Sosial Elmlər Akademiyasının Rusiya və Mərkəzi Asiya üzrə mütəxəssisi Li Lifan hesab edir ki, ABŞ hazırda Çin və Rusiya arasında siyasi və iqtisadi münasibətləri poza bilməz, çünki iki ölkənin liderləri Şanxay Əməkdaşlıq Təşkilatının Tyansində keçiriləcək sammitində və sentyabrda Çində keçiriləcək Qələbə paradında görüşəcəklər.
Onun fikrincə, “Çin və Rusiya nefti öz valyutalarında ticarət edə bilərlər ki, bu da ABŞ-nin ikinci dərəcəli sanksiyalarından yan keçməyə kömək edəcək”.
