Pediatr 9 günlük körpəni pulla alıb

Türkiyənin Kuşadası rayonunda pediatr işləyən həkim, doğuş edən qadının 9 günlük körpəsini pul qarşılığında alaraq evinə aparıb.

Sfera.az xəbər verir ki, ana uşağına baxa bilmədiyini deyib, həkim isə körpəni satın alaraq baxıcı da tutub.

Həkimin ehtiyatsızlığı nəticəsində körpə yerə düşüb və zədə alıb. Hadisə reanimasiyada çalışan tibb bacısının diqqəti sayəsində üzə çıxıb, körpə Aydın Universitet Xəstəxanasına köçürülüb. Həkim "insan alveri" və "ehtiyatsızlıqdan sağlamlığa zərər vurma" maddələri ilə cinayət məsuliyyətinə cəlb olunub və günahını etiraf edib. İstintaq davam edir.