Hollivud aktrisası Ancelina Coli ötən həftə sonu Verakrusa adi kommersiya reysi ilə uçarkən Mexiko hava limanında sərnişinlər arasında böyük səs-küyə səbəb olub. Onun kütlələr arasında görünməsinin videosu tez bir zamanda sosial şəbəkələrdə yayılıb.

Sfera.az bildirir ki, Ancelina Coli ilə yanaşı, 58 yaşlı Salma Hayek də diqqət çəkib. Hər iki ulduz səfər üçün rahat paltar seçib. Hayek ağ idman şalvarını uyğun sviterlə kombin edib, Coli isə krem köynək geyinib.

Pərəstişkarları onlara ortaq bir şəkil istəyi ilə müraciət etdikdə, təklifi nəzakətlə rədd ediblər. Bununla belə, hər ikisi terminalda gəzərkən və nahar edərkən həvəslə kameralar qarşısına keçiblər.

Sosial şəbəkələrdə müzakirə

Birinci dərəcəli ulduzların kommersiya uçuşunda olması sosial mediada canlı müzakirələrə səbəb olub. Çoxları bu kadrları görəndə çox təəccüblənib.

Qeyd edək aktrisalar 2021-ci ildə "Əbədilər" filmi üzərində işləyərkən yaxın münasibət qurublar. Üç il sonra da yaxın əməkdaşlıqlarını davam etdiriblər - Hayek Colinin yaratdığı "Qan yoxdur" filmində baş rolu ifa edib.

Daha əvvəl Salma Hayek onların dostluğunun özəlliklərindən danışıb: "Ailə olaraq birlikdə çox şeylər edirik. Həm uşaqlarla, həm də təklikdə çox vaxt keçiririk".

Meksikalı aktrisanın 17 yaşlı Valentina adlı qızı var, Coli isə 17-23 yaş arası altı uşaq böyüdür.

"Bizim bağımız çox ruhlandırıcıdır. Bir dostum mənə deyirdi: "Həyat eynidir, gülsən də, ağlasan da." Həm də gülüb ağlaya biləcəyin bir dostunun olması çox gözəldir, ən əsası daim özünü təhlükəsiz hiss edirsən”- deyə Salma münasibətlərinin dərinliyini izah edərək vurğulayıb.

Aysel

Ancelina Colinin təyyarədə sərnişinlər arasında görüntüləndi - VİDEO