Ac turist 6 milyon dollar dəyərində banana "hücum etdi"

Mauritsio Kattelanın 6,2 milyon dollara yaratdığı "Komediyaçı" adlı sənət əsəri qalmaqallı sensasiyaya çevrilib. Belə ki, ac ziyarətçi 6 milyon dollarlıq banana “hücum etdikdən” sonra muzeyin təhlükəsizlik işçiləri tez və sakit şəkildə müdaxilə ediblər.

Sfera.az bildirir ki, hadisə Fransada Pompidu-Metz muzeyində baş verib. Ziyarətçi divara yapışdırılmış banan parçasını dişləyib. Divara yapışdırılmış 6,2 milyon dollarlıq parça tez bir zamanda bərpa edilib. Qeyd edək ki, bu konseptual əsər artıq bir neçə dəfə yeyilib.

Yeni banan bir neçə dəqiqə ərzində divara yapışdırılıb.

"Meyvələr tez xarab olduğundan, rəssamın göstərişinə uyğun olaraq mütəmadi olaraq dəyişdirilir" - deyə muzeydən bildirilib.

Katelan özü qeyd edib ki, banan həvəskarı meyvəni sənət əsəri ilə səhv salıb.

“Qonaq bananı qabığı və lenti ilə yemək əvəzinə, sadəcə meyvəni yeyib.

Onu da qeyd edək ki, Katelanın bu “yeməli” yaradıcılığı Mayami-Biçdə “Art Basel 2019”da debüt etdiyi vaxtdan mübahisələrə səbəb olub.

Jurnalistlər 2019-cu ildə Komediya bananı üçün tələb olunan 120.000 dollar qiymətinin bazarın və sənət dünyasının "başı qaçdığının" sübutu olduğunu yazırlar.

Performans artisti David Datuna 2019-cu ildə Mayamidəki şouda ona baxarkən "ac" hiss etdiyini deyərək əsəri yeyib.

Kriptovalyuta milyarderi Castin Sun da Kattelanın bananını yeyib, lakin bu əsər üçün 6,2 milyon dollar qiymət qoyulmazdan əvvəl olub.

Xatırladaq ki, Kattelan banan məhsulları ilə yanaşı, Donald Trampa Ağ Evdəki ilk səlahiyyət müddətində hədiyyə edilmiş "Amerika" adlı tam funksional 18 karatlıq qızıl unitaz yaratmaqla da tanınır.

Aynil