Çinin Huaihua şəhərindən olan 17 yaşlı Xiaokai, valideynlərinin onu evdən qovması və giriş qapısının kodunu dəyişdirilməsi səbəbindən küçədə qalıb.

Sfera.az bildirir ki, Çinin ən yaxşı tələbəsinin hekayəsi ölkədə məşhurlaşıb. Yerli sosial şəbəkələrdə münaqişənin səbəbləri ilə bağlı canlı müzakirələr başlayıb.

Gəncin özü valideynlərinin bu hərəkətinə səbəbin onun imtahan balının kifayət qədər yüksək olmaması ilə izah edib.

Xiaokai iddia edir ki, qəbul imtahanında mümkün 750 baldan 575 bal toplayıb. Bu kifayət qədər yüksək nəticə olsa da, tələbənin valideynləri bunu hələ 1998-ci ildə hökumətin təşəbbüsü ilə yaradılan Çinin ən nüfuzlu 39 universitetindən ibarət 985 səviyyəli universitetə qəbul üçün yetərli sayır.

“Biz razılaşdıq ki, “985”ə daxil olmasa, biz onun təhsil haqqını ödəməyəciyik” - deyə uşağın atası Luo bildirib.

Xiaokainin valideynləri əmindirlər ki, onun nəticələrinin pisləşməsi onun telefona hədsiz həvəsi ilə bağlı olub. İki il əvvəl oğlan yazılı şəkildə bütün diqqətini dərslərinə yönəldəcəyinə söz verdikdən sonra ona smartfon alıblar.

"O, tez bir zamanda telefona aludə oldu, oyun oynamağa getdikcə daha çox vaxt sərf etməyə, hətta dərsdən yayınmağa başladı".

Jurnalistlər gəncin evdən qovulduğunu, giriş qapısının kodunun dəyişdirildiyini yazır. Xiaokai anasına zəng edəndə, o, hazırda ezamiyyətdə olduğu üçün yeni parolu bilmədiyini deyib. Amma sonra qadın oğluna “kömək istəmə” deyib və birbaşa bildirib ki, gənc oğlan məktəbdə etməli olduğu işi etməyib, yəni yaxşı oxumayıb.

"Sən bizim qaydalarımıza əməl etmədin. Bu dünyada qaydasız yer yoxdur, elə deyilmi? Biz öz həyatımızı yaşayacağıq, sən də öz həyatını yaşayacaqsan"- anası aralarındakı söhbət zamanı bu sözləri Xiaokaiyə deyib.

Tələbənin sözlərinə görə, valideynləri ona ultimatum verib - ya evə qayıdıb, valideynlərinin qaydalarına əməl edəcək, ya da müstəqil yaşayıb iş axtaracaq. Yeniyetmə digər böyüklərin uşaqlarına münasibətinə heyran qalıdığını bildirib.

Xiaokai jurnalistlərə deyib: "Mənimkilər isə inadkardırlar. Onlar ifrata vararaq, məni itaət etməyə məcbur edirlər".

Xiaokai Luonun hekayəsi Çin sosial mediasında viral olub. İstifadəçilər gənc oğlanı dəstəkləyərək, valideynlərinin oğullarına qarşı çox qəddar olduqlarını bildiriblər.

Aynil

575 bal yığan abituriyenti valideynləri evdən qovdular - TƏFƏRRÜAT