Ərdoğan Suriya rəhbəri ilə telefon danışığı aparıb

Türkiyə Prezidenti Rəcəb Tayyib Ərdoğan Suriya lideri Əhməd Əl Şaraa ilə telefon danışığı aparıb.

Sfera.az APA-ya istinadən xəbər verir ki, bu barədə Türkiyə Prezident Administrasiyası məlumat yayıb.

Qeyd olunub ki, danışıq zamanı İsrailin hücumlarından sonra Suriyadakı son vəziyyət müzakirə edilib.

Ərdoğan İsrailin Suriyaya hücumlarının qəbuledilməz olduğunu və İsrailin təcavüzünün bütün bölgə üçün təhlükə yaratdığını bildirib:

“Prezident Suriyada druzlarla əldə edilən atəşkəsin Türkiyə tərəfindən müsbət qarşılandığını bildirdi. Danışıq zamanı Suriya Prezidenti Əl Şara Suriyada siyasi birliyin qorunub saxlanılması, ərazi bütövlüyünün təmin edilməsi və suverenliyin qorunmasında göstərdiyi dəstəyə görə dövlətimizin başçısına minnətdarlığını bildirdi”, - deyə vurğulanıb.