Rusiya və İran rəsmiləri görüşəcək
Rusiyanın xarici işlər naziri Sergey Lavrov və İranın xarici işlər naziri Abbas Əraqçi Moskva və Tehran arasında müxtəlif səviyyələrdə yeni təmasların keçirilməsi barədə razılığa gəliblər.
Sfera.az TASS agentliyinə istinadən xəbər verir ki, bu barədə Rusiya Xarici İşlər Nazirliyi məlumat yayıb.
Nazirlərin görüşü Şanxay Əməkdaşlıq Təşkilatına (ŞƏT) üzv ölkələrin Tyantszində keçirilən nazirlər toplantısı çərçivəsində baş tutub. Görüş zamanı tərəflər regional və beynəlxalq gündəmdəki məsələləri müzakirə edib, o cümlədən İranın nüvə proqramı ilə bağlı böhranın yalnız siyasi və diplomatik yollarla, beynəlxalq hüquq normalarına uyğun şəkildə həllinin vacibliyini vurğulayıblar.
“Nazirlər müxtəlif səviyyələrdə qarşıdakı təmaslar barədə razılığa gəliblər”,–Rusiya XİN-dən bildirilib.
Fidan Hacızadə
Sfera.az
