Çexiyada xaos: İşıq kəsildi, nəqliyyat iflic oldu
Çexiyada yüksək gərginlik xəttinin sıradan çıxması nəticəsində ölkənin böyük hissəsi işıqsız qalıb. Paytaxt Praqa da daxil olmaqla bir çox şəhərdə metro və tramvaylar dayanıb, fabrikalar və xəstəxanalar fəaliyyətini müvəqqəti dayandırıb. Hökumət ölkə üzrə fövqəladə vəziyyət elan edib.
Sfera.az xarici mediaya istinadən xəbər verir ki, Sənaye və Ticarət Nazirliyi kəsintinin texniki nasazlıqdan qaynaqlandığını, kiberhücum və ya bərpa olunan enerji ilə əlaqəsi olmadığını açıqlayıb. Hadisə beş bölgədə səkkiz transformator mərkəzinə təsir edib. Telefon və internet xidmətləri generatorlarla təmin olunub, xəstəxanalar isə ehtiyat enerji ilə işləyib. Litvinovdakı neft emalı zavodu da təcili rejimə keçib. Hadisə Avropada artan enerji problemləri fonunda enerji şəbəkələrinin dayanıqlılığı ilə bağlı narahatlıqları yenidən gündəmə gətirib.
Bəsti Rəfizadə
Sfera.az
