ABŞ Ukraynaya silah daşınmasını dayandırdı

ABŞ Ukraynaya Amerika silahlarının, o cümlədən mərmi və ehtiyat hissələrinin bütün daşınmasını dayandırıb.

Sfera.az “The Economist” nəşrinə istinadən xəbər verir ki, Kiyev rəsmiləri bu addımı Vaşinqtonun Ukraynadan siyasi güzəştlər almaq cəhdi kimi qiymətləndirir. Onlar bildirirlər ki, bu hal 2019-cu ildəki Tramp-Zelenski qalmaqalını xatırladır. Həmin vaxt da ABŞ administrasiyası Ukraynaya silah tədarükünü və kəşfiyyat əməkdaşlığını qısa müddətə dayandırmışdı. Məsələ ilə bağlı ABŞ təzyiq göstərmədiyini və silah tədarükünün tam dayandırılmadığını açıqlayıb.

Pentaqonun sözçüsü Şon Parnellin sözlərinə görə, tədarüklər davam edir, lakin o, detalları açıqlamayıb. Müdafiə Nazirliyi bildirib ki, bu fasilə ABŞ-nin hərbi hazırlıq və müdafiə prioritetlərini qorumaq məqsədi daşıyır. Qeyd edək ki, daha öncə ABŞ-nin Ukraynaya Patriot hava hücumundan müdafiə sistemləri, GMLRS yüksək dəqiqlikli mərmilər, Hellfire və Stinger raketləri də daxil olmaqla bir sıra mühüm döyüş sursatlarının tədarükünü dayandıracağını bildirilib. Baş verənlərlə bağlı Ukrayna Xarici İşlər Nazirliyi ABŞ-nin Ukraynadakı müvəqqəti işlər vəkili Con Qinkeli nazirliyə çağıraraq məsələni müzakirə edib.

Fidan Hacızadə

Sfera.az