İnsan DNT-si sıfırdan yaradılır: Laboratoriyada “insan istehsalı” başlayır
Böyük Britaniyada insan DNT-sini sıfırdan yaratmağa yönələn yeni və mübahisəli layihəyə start verilib. Dünyanın ən böyük tibbi yardım təşkilatlarından biri olan “Wellcome Trust” layihəyə 10 milyon funt sterlinq maliyyə ayırıb.
Sfera.az xarici mediaya istinadən xəbər verir ki, tədqiqatçılar bu texnologiya ilə xəstəliyə davamlı hüceyrələr yaradaraq sağalmaz xəstəlikləri müalicə etməyi hədəfləyirlər. Layihənin iştirakçılarından Dr. Culian Sale bunun biologiyada böyük sıçrayış olduğunu bildirərək, bu üsulla zədələnmiş orqanların bərpasının mümkün olacağını deyib.
Layihə, insan genlərinin sıfırdan molekul-molekul yaradılmasını nəzərdə tutur. Araşdırmalar yalnız laboratoriya mühitində aparılacaq və süni həyat yaradılmayacaq. Lakin mütəxəssislər bu texnologiyanın yanlış əllərə keçəcəyi təqdirdə, bioloji silahların və insan DNT-si daşıyan varlıqların yaradılması kimi risklərə səbəb ola biləcəyindən narahatdırlar.
Bəsti Rəfizadə
Sfera.az
