Kostanyan: Ermənistan Azərbaycanla tezliklə yeni müzakirələr apara bilər

Ermənistan yaxın vaxtlarda Azərbaycanla yeni müzakirə apara bilər.

 

Sfera.az xəbər verir ki, bu barədə Ermənistan hökumətinin Nazirlər Kabinetinin bu gün keçirilən iclasından sonra keçirilən mətbuat konfransında xarici işlər nazirinin müavini Vaan Kostanyan bildirib.
 

"Ermənistan tərəfi müsbətdir. Nəzərə alsaq ki, biz [Azərbaycanla] sülh müqaviləsini imzalamağa hazırıq, belə bir görüşün keçirilməsinin tərəfdarı olacağıq", - Kostanyan əlavə edib.
 

“Əlbəttə hamınızın xəbərdar olduğu sonuncu müzakirə iki ölkə liderləri arasında Tiranada keçirilən görüşdür.Biz inanırıq ki, yaxın gələcəkdə Azərbaycan tərəfi ilə yeni müzakirələr aparmaq mümkün olacaq.

[Regional] kommunikasiyaların Ermənistan Respublikasının yurisdiksiyasında olması və Ermənistanın bu yollar üzərində suverenliyinin qorunub saxlanması Ermənistan üçün prinsipial məsələ olaraq qalır”, - XİN-in müavini bildirib.


Firuzə Əliyeva

Sfera.az