İrandan etiraf: “Nüvə obyektlərinə ciddi ziyan dəyib"
İran Xarici İşlər Nazirliyinin sözçüsü İsmayıl Bəkayi ABŞ və İsrailin hücumları nəticəsində ölkənin nüvə obyektlərinə ciddi ziyan dəydiyini bildirib.
Sfera.az xəbər verir ki, “Əl-Cəzirə”yə açıqlamasında Bəkayi hücumların beynəlxalq ictimaiyyət tərəfindən qınanmalı olduğunu vurğulayıb və Tehranın nüvə enerjisindən yalnız dinc məqsədlərlə istifadə etdiyini bildirib.
O, hücumlardan sonra İran parlamentinin Beynəlxalq Atom Enerjisi Agentliyi (UAEA) ilə əməkdaşlığı dayandıran qanun layihəsini qəbul etdiyini xatırladıb.
22 iyunda ABŞ-nin Fordo, İsfahan və Natanzdakı nüvə obyektlərinə hava zərbələri endirdiyi bildirilmişdi. CNN hücumların İranın nüvə fəaliyyətini bir neçə ay geri saldığını yazıb. İsrail isə proqramın “illərlə geri getdiyini” iddia edib.
Bəsti Rəfizadə
Sfera.az
