“İsraildən razı deyiləm” - Tramp

ABŞ Prezidenti Donald Tramp İsrail və İran arasında atəşkəs rejiminin pozulması ilə bağlı ciddi narahatlığını ifadə edib.

Sfera.az xarici mediaya istinadən xəbər verir ki, NATO-nun Haaqa sammitinə yola düşməzdən əvvəl çıxış edən Tramp həm İran, həm də İsrailin son davranışlarından “xoşbəxt olmadığını” bildirib.

Tramp xüsusilə İsrailə qarşı narazılığını açıq şəkildə dilə gətirib: “İsraildən razı deyiləm”, – deyə prezident vurğulayıb.

O, münaqişənin alovlanmasının qarşısını almaq üçün addımlar ata biləcəyini də istisna etməyib:

“Baxacağam, bunu dayandıra biləcəyəmmi”, – deyə əlavə edib.

Qeyd edək ki, Tramp administrasiyası son aylarda Yaxın Şərqdə gərginliyin artmasından narahatlığını dəfələrlə ifadə edib.

Fidan Hacızadə

Sfera.az