Çin yeni rabitə peykini kosmosa buraxdı

Çin “ChinaSat-9C” adlı yeni rabitə peykini uğurla kosmosa buraxıb.

Sfera.az xəbər verir ki, rəsmi “Xinhua” agentliyinin yaydığı məlumata görə, peyk Siçuan əyalətində yerləşən Şiçanq Kosmik Mərkəzindən “Long March-3B” raketi vasitəsilə orbitə çıxarılıb.

Məlumata əsasən, “ChinaSat-9C” buraxılışdan sonra planlaşdırılmış orbit mövqeyinə uğurla yerləşdirilib. Bu, “Long March” seriyalı raketlərlə həyata keçirilən 582-ci uğurlu buraxılış kimi qeydə alınıb. Qeyd edək ki, Çində “Congşing” adlandırılan “ChinaSat” peykləri yüksək keyfiyyətli səs, məlumat, radio və televiziya siqnallarının ötürülməsini təmin edir. Yeni peykin ölkənin kommunikasiya infrastrukturunun daha da gücləndirilməsində mühüm rol oynaması gözlənilir.

Bəsti Rəfizadə

Sfera.az