Putin: "Üçüncü Dünya Müharibəsi riski artır"
Rusiya Prezidenti Vladimir Putin Üçüncü Dünya Müharibəsi ehtimalının artdığını bildirib. O, Ukrayna müharibəsi, Orta Şərqdəki gərginlik və İranda baş verən hadisələrin bu riski gücləndirdiyini deyib.
Sfera.az “Hürriyet”ə istinadən xəbər verir ki, Peterburq Beynəlxalq İqtisadi Forumunda çıxış edən Putin, Ukraynanın SumI vilayətində təhlükəsizlik zonası yaradıldığını, şəhərin ələ keçirilməsinin isə hələlik planlaşdırılmadığını, amma istisna edilmədiyini də bildirib.
Putin həmçinin Ukraynanın “çirkli bomba” istifadə etməsi halında Rusiyanın sərt cavab verəcəyini deyib:
“Bu, Ukrayna rejimi üçün dağıdıcı nəticələr doğurar”.
İsrail-İran gərginliyinə də toxunan Rusiya lideri, Xameneiyə qarşı ehtimal olunan sui-qəsd xəbərdarlıqlarının gerçəyə çevrilməyəcəyinə ümid etdiyini bildirib. O, Rusiya tərəfinin hər iki ölkə ilə təmasda olduğunu və gərginliyin azaldılması üçün təkliflər verdiyini vurğulayıb.
Bəsti Rəfizadə
Sfera.az
