Almaniya əhalisinin sayı açıqlanıb - Statistika

Almaniya Federal Statistika İdarəsi (Destatis) 2024-cü il üçün əhali statistikasını açıqlayıb. Rəqəmlərə əsasən, ölkə əhalisi ötən illə müqayisədə 121 min nəfər artaraq 83,6 milyon nəfərə yüksəlib. Bu artım 2023-cü ildə qeydə alınan 338 min nəfərlik artımla müqayisədə daha aşağıdır.

Sfera.az xəbər verir ki, statistikaya görə, əhalinin artması əsasən Almaniyaya köç edən əcnəbilər hesabına baş verib. 2023-cü ildə xarici mənşəli əhali 283 min nəfər artaraq 12,4 milyona çatıb. Eyni zamanda, alman mənşəli əhalinin sayı 162 min nəfər azalaraq 71,2 milyona düşüb.

Ən böyük xarici icmalar aşağıdakı kimidir:

Türklər – 1 milyon 403 min nəfər

Ukraynalılar – 1 milyon 85 min nəfər

Suriyalılar – 889 min nəfər

Rumınlar – 771 min nəfər

Vasif