Rusiyadan ABŞ-yə sərt xəbərdarlıq: “İsrailə yardım etməyin”

Rusiya ABŞ-nin İsrailə mümkün birbaşa hərbi yardım göstərməsi ilə bağlı kəskin xəbərdarlıq yayıb. 

Sfera.az xəbər verir ki, Rusiya Xarici İşlər Nazirliyi tərəfindən verilən açıqlamada qeyd olunub ki, Vaşinqtonun bu istiqamətdə atacağı istənilən addım Yaxın Şərqdəki böhranı daha da dərinləşdirəcək və regional sabitliyi ciddi təhlükə altına atacaq.

“ABŞ İsrailə birbaşa hərbi yardım etməməlidir və bunu düşünmək belə yolverilməzdir”, – deyə Moskvanın bəyanatında bildirilib.

Rusiya tərəfi bu cür yardımın Yaxın Şərqdə vəziyyəti kökündən istikrarsızlaşdıra biləcəyini vurğulayıb.

Bununla yanaşı, Moskva həm İsrail, həm də İranla əlaqə saxladığını bildirib və tərəfləri münaqişənin sülh yolu ilə həllinə çağırıb.

Bəsti Rəfizadə
Sfera.az