Toya təzə ayaqqabı geyinən bəyin barmaqları amputasiya olundu

Britaniyalı Martin Ralf toy günü yeni ayaqqabı geyindikdən sonra bir neçə barmağını itirib.

Sfera.az bildirir ki, İngiltərənin Çeşam şəhərinin sakini Ralfın hekayəsi sosial şəbəkə istifadəçilərini şoka salıb.

Belə ki, hər şey 2019-cu il iyulun 27-də 61 yaşlı bəyin öz xüsusi sifariş edilmiş ortopedik ayaqqabılar geyinmək qərarına gələndə başlayıb. Ayaqqabıların çox kiçik olduğuna dair xəbərdarlıqlara baxmayaraq, həkimlər açılacağı barədə təkid ediblər.

Ralf xatırlayır: "Mən onları sınamaq üçün üç dəfə geri qayıtdım. Ayaqqabıların çox kiçik olduğunu dedim. Amma dedilər ki, səbirli olmalıyam".

Toy günü ağrılar daha da şiddətlənib və tədbirin yarısında kişi ayaqqabılarını dəyişməli olub. Daha sonra barmağının şişdiyini və qabarcıqlarla örtüldüyünün fərqinə varıb. Bu, bəlaların başlanğıcı olub.

Diabet ölümcül amil olub. Qan dövranı zəif olduğundan, şişlər sağalmayıb və infeksiya inkişaf edib. Antibiotiklər kömək etməyib. Həkimlər ölü toxumanı çıxarsalar da, artıq gec olub - qanqren yaranıb.
 

"Ayağımın barmağı amputasiya olundu. Sonra daha bir neçəsi. Dəhşətə düşdüm. Sanki orada qəssab olub" - Ralf deyir. Bu gün o, köməksiz yeriyə bilmir, işini itirib və daimi ağrılarla mübarizə aparır. Başqalarını xəbərdar etmək üçün hekayəsini sosial şəbəkələrdə paylaşıb.
 

"Əgər o zaman kimsə məni dinləsəydi, bunun qarşısını almaq olardı. Mən başqasının bunu yaşamasını istəmirəm" -deyə Ralf bildirir.

Aynil