İngiltərədə Blenheim sarayından 6,4 milyon dollar dəyərində 18 karatlıq qızıldan unitaz oğurlayan iki şəxsə hökm oxunub.

Sfera.az bildirir ki, qızıl Britaniyadan qaçaqmalçılıq yolu ilə çıxarılıb.

Oğurluqda bir neçə nəfərin əli olub: 2019-cu ilin sentyabrında onlar pəncərəni sındırıb, tarixi malikanəyə giriblər və tualetdəki unitazı çıxarıblar. Unitaz heç vaxt tapılmayıb, onun hissələrə bölünərək satıldığı güman edilir.

Qeyd edək ki, oğurluq baş verən kənd malikanəsi 1874-cü ildə Britaniya müharibəsi lideri Uinston Çörçilin orada anadan olması ilə məşhurlaşıb.

Ceyms Şin və Maykl Cons Oksford Tac Məhkəməsində oğurluqda iştirak etdiklərinə görə ümumilikdə 4 il 27 ay həbs cəzası alıblar.

Hökm verən hakim Ian Pringle QC bildirib ki, "həyasız" soyğunçuluq beş dəqiqə yarımdan çox çəkməyib.

Temza Vadisi Polisi bildirib ki, Şin unitazı sındıraraq hissələri yeraltı dünya əlaqələri vasitəsilə satmağa çalışıb, bu da Londonun Birmingem və Hatton Garden bölgələrində bir sıra reydlərə səbəb olub.

Polis beynəlxalq tərəfdaşlarla işləyir və qızılların xaricə daşınması ehtimalını istisna etmir. İstintaqın növbəti mərhələsi oğurluqdan sonra alınmış cinayət aktivlərinin müəyyən edilərək müsadirə edilməsi olacaq.

Oğurluqdan sonra iki həftə ərzində Şin Birmingemdə naməlum alıcıya unitazın çəkisinin təxminən 1/5 hissəsi olan 20 kq qızılı 700 min dollara satıb.

İstintaq zamanı müəyyən edilib ki, 2005-ci ildən bəri Ceyms Şin azı altı dəfə həbs edilib. O, dələduzluq və oğurluqdan pul qazanan mütəşəkkil cinayət qruplarına rəhbərlik edib.

Onu da qeyd edək ki, bu ilin may ayında məhkəmə iş üzrə üçüncü təqsirləndirilən 36 yaşlı Frederik Dou iki il 240 saat ictimai işlərə cəlb olunmaqla 21 ay müddətinə azadlıqdan məhrum edib.

İş üzrə dördüncü müttəhim Londondan olan zərgər Bora Qukçuk olub. Məhkəmə ona eyni ittihamla bəraət verib.

Aynil

6 milyon dollarlıq qızıl unitaz oğurlayanlara hökm oxundu