Ayətullah Xamenei hədələdi: "İsrail bu cinayətinə görə ağır cəza alacaq"

İsrailin İran ərazisinə genişmiqyaslı hava hücumu nəticəsində çox sayda mülki şəxs və hərbçi şəhid olub. 

Sfera.az Mehr agentliyinə istinadən xəbər verir ki, hücuma cavab olaraq İslam İnqilabının Rəhbəri Ayətullah Seyid Əli Xamenei sərt bəyanatla çıxış edib.

Ayətullah Xamenei bəyanatında sionist rejimin törətdiyi hücumu “iyrənc cinayət” adlandıraraq, onun İran torpaqlarında mülki yaşayış məntəqələrini hədəf almasını rejimin “şəri mahiyyətinin” bariz nümunəsi kimi dəyərləndirib. O, rejimin bu hücuma görə “ağır cəza” gözləməli olduğunu bildirib:

“Allahın izni ilə İslam Respublikası Silahlı Qüvvələrinin qüdrətli əli onu cəzasız qoymayacaq”.

İnqilab Rəhbəri hücum nəticəsində bir neçə komandir və elm adamının şəhid olduğunu da təsdiqləyib. Bildirib ki, onların yolunu davam etdirənlər bu boşluğu dərhal dolduracaq.

Ayətullah Xamenei vurğulayıb ki, İsrail rejimi bu addımı ilə özü üçün “acı və ağrılı bir aqibət” hazırlayıb:

“Sionist rejim bu cinayəti ilə özü üçün acı və ağrılı aqibət hazırlayıb və şübhəsiz ki, bunu alacaq”.

Fidan Hacızadə
Sfera.az