Rusiya aviaşirkətləri Yaxın Şərqə uçuş rejimini dəyişdi

Rusiya aviaşirkətləri Yaxın Şərqə olan uçuş marşrutlarında dəyişikliklər planlaşdırır. 

Sfera.az Rusiya mediasına istinadən xəbər verir ki, bu barədə Rosaviatsiya açıqlamasında məlumat verib.

Qurumun bildirdiyinə görə, hazırda İsrail və İranın hava məkanı bu ölkələrin aviasiya hakimiyyət orqanlarının qərarı ilə mülki təyyarələrin uçuşları üçün bağlıdır. Bu səbəbdən Rusiya aviaşirkətləri adıçəkilən regiona olan reyslərdə alternativ marşrutlardan istifadə etməyə hazırlaşır.

Rosaviatsiya həmçinin qeyd edib ki, yaranmış vəziyyətlə əlaqədar aviaşirkətlərin uçuş cədvəllərində dəyişikliklər ola bilər. Sərnişinlərə reyslərə yola düşməzdən əvvəl aviaşirkətlərin rəsmi resurslarından məlumatları yoxlamaları tövsiyə olunur.

Fidan Hacızadə
Sfera.az