Xəbər verdiyimiz kimi, bu gün Londona uçan təyyarə Hindistanda qəzaya uğrayıb.

Sfera.az bildirir ki, “Air İndia” aviaşirkətinə məxsus təyyarə Əhmədabad şəhərində qəzaya uğrayıb. Təyyarə, havaya qalxdıqdan az sonra yaşayış məntəqəsinə düşüb və güclü partlayışa səbəb olub. Qeyd olunur ki, qismən bütöv vəziyyətdə olan “Boeing 787 Dreamliner” binadan çıxıb, şəhərdə qatı qara tüstü qalxıb. Qəzaya uğrayan təyyarə ilə bağlı yeni təfərrüatlar məlum olub. Təyyarə AI171 reysini yerinə yetirirdi.

Jurnalistlər “Boeing 787 Dreamliner”in binadan çıxdığını, insanların dağıntılar altından xilas edildiyini bildiriblər, onları təcili yardım maşınları ilə çıxarılıb aparılıb. Yanğınsöndürənlər yanan təyyarənin qalıqlarına və qonşu hündürmərtəbəli binaya su töküblər. Qurbanların dəqiq sayı hələlik məlum deyil, lakin polis təyyarənin tibb tələbələrinin yataqxanasına çırpıldığını təsdiqləyib.

Bina BJ Tibb Kollecinin (BJMC) yataqxanası olub. Orada yaşayan tələbələrin də dünyasını dəyişdiyi qeyd edilir.

Təyyarədə 11-i uşaq olmaqla, 230 sərnişin və 12 ekipaj üzvü olub.

“Air India” təyyarədə 242 nəfərin olduğunu təsdiqləyib.

Təyyarəni təcrübəli pilotlar - kapitan Sumit Sabharval (8200 saat uçuş təcrübəsi) və ikinci pilot, birinci zabit Klayv Kundar (əvvəllər 1100 saat havada olub) idarə ediblər.

Böyük Britaniyanın baş naziri Keir Starmer təyyarə qəzası yerindən çəkilmiş görüntüləri dəhşətli adlandırıb. O, təyyarədə çoxlu Britaniya vətəndaşının olduğunu təsdiqləyib.

"Mən vəziyyəti daim izləyirəm. Fikrim sərnişinlər və onların ailələri ilə birlikdədir" - deyə siyasətçi əlavə edib.

Qeyd edək ki, eyni zamanda “The Telegraph”“Boeing”in səhmlərinin kəskin şəkildə - 7,2% ucuzlaşdığını yazıb.

Aysel

Hindistan təyyarəsi tələbələrin yataqxanasına çırpıldı: YENİ TƏFƏRRÜATLAR