Fransanın cənubundakı kiçik və sakit bir kənddə çörək sexindən alınan bir neçə bagetlə başlayan hadisələr tezliklə dəhşətli dönüş alıb. Bütün şəhər bu zahirən günahsız çörəklərlə zəhərlənmişdi. Bəziləri xəyallar gördü, bəziləri özlərini yandırdı, bəziləri isə pəncərədən atılaraq öldü. Səbəbi hələ də mübahisəli olan bu müəmmalı hadisənin arxasında nə dayanırdı? Həqiqətən günahkar olan yalnız bir göbələk idi, yoxsa başqa bir şey var idi?

Sfera.az bu maraqlı tarixi hadisənin təfərrüatlarını təqdim edir.

Hər şey boz unla başlamışdı.

1951-ci ilin yayı Fransanın Pont Sen-Esprit kəndi üçün çox yağışlı bir gün idi. Bu, həmin il çovdar məhsuluna mənfi təsir göstərdi. Dövlətin unun paylanmasına ciddi nəzarəti ucbatından çörəkçi boz rəngli və normaldan fərqli görünən undan istifadə etmək məcburiyyətində qalıb.

Bu undan hazırlanan bagetlər səhər tezdən kəndlilərə paylanılıb və bir neçə gün ərzində 230-a yaxın insan ağır xəstələnib. İlk simptomlar qida zəhərlənməsinə bənzəyirdi; qusma, ürəkbulanma, yuxusuzluq... Lakin tezliklə işlər nəzarətdən çıxdı.

Şəhər kabusa oyandı.

İnsanlarda halüsinasiyalar yaranmağa başladı; bəziləri özlərinin pələnglər tərəfindən yeyildiyini gördü, bəziləri isə skelet üzlü kişilərin otaqlarında gəzdiyini gördüklərini təsvir etdi. Bələdiyyə sədri o zaman verdiyi açıqlamada sağlam insanların qəfildən çarşaflarını qopardığını, qışqıraraq çarpayılarının altında gizlənməyə çalışdığını bildirib.

Davamlı “Ölmüşəm, başım misdəndir, qarnımda ilan var, məni yandırırlar!” deyə qışqıran gənc özünü çaya atmağa çalışıb. Hadisələr nəticəsində 5 nəfər həyatını itirib, bəzilərinin isə əsəbləri daimi zədələnib.

Bəs bu hadisənin səbəbi nə idi?

O zaman ekspertlər erqotizmə işarə edirdilər. Bu, rütubətli hava şəraitində çovdar dənələrində məskunlaşan və orta əsrlərdə tez-tez rast gəlinən bir göbələyin törətdiyi zəhərlənmə idi. Ergot göbələkinin tərkibində LSD-nin xammalı olan bir komponent var idi və bu, şəhər əhalisinin niyə halüsinasiyalar keçirdiyini izahı ola bilər.

Ancaq illər sonra fərqli nəzəriyyələr irəli sürüldü. Bəzi araşdırmalar unu ağartmaq üçün istifadə edilən maddələrin zəhərli təsirlərindən bəhs edərkən, bəzi sui-qəsd nəzəriyyələri hətta CIA-nın hadisənin arxasında LSD təcrübələri apardığını irəli sürdü. Lakin hələlik qəti nəticəyə gəlinməyib.

Aynil

Kəndi dəli edib 7 nəfərin ölümünə səbəb olan "Lənətlənmiş çörək" hadisəsi