Həftə sonundan bəri Cənubi Afrikanı bürüyən güclü soyuq cəbhə yolların bağlanmasına, elektrik enerjisinin kəsilməsinə və ölümlə nəticələnən qəzalara səbəb olan güclü qar yağıb.

Cənubi Afrikanın Meteoroloji Xidməti ötən həftənin sonunda vətəndaşlara bu həftə ölkə ərazisində temperaturun aşağı düşəcəyi, şərq bölgələrində güclü yağış, dağıdıcı küləklər və qar yağacağının gözlənildiyi barədə xəbərdarlıq edib.

Sfera.az xəbər verir ki, Cənubi Afrika güclü qar nəticəsində iflic vəziyyətinə düşüb.

Nelson Mandelanın doğulduğu Şərqi Keyp əyaləti və KwaZulu-Natal əyaləti buzlu şəraitdən ən çox zərər çəkib.

Pis hava şəraiti daha çox insan tələfatının qarşısını almaq üçün iki əyalətdə bəzi əsas yolları bağlamağa məcbur edib.

Şərqi Londonun sahil şəhəri yaxınlığında mikroavtobus taksinin aşması nəticəsində 5 nəfər həlak olub. Cənubi Afrikanın Şərqi Keyp əyalətində məktəb avtobusunu sel suları aparıb. Avtobus sürücüsü də daxil olmaqla 8 meyit tapılıb. Ağac budaqlarından yapışan 3 məktəbli xilas edilib.

Meteoroloji xidmət soyuq cəbhənin həftə ortasına qədər davam edəcəyini proqnozlaşdırır. Lakin bu, sahilyanı ərazilərdə şiddətli tufanlara və qar fırtınalarına səbəb ola bilər.

Qeyd edək ki, Cənubi Afrikada iyun-avqust aylarında mütəmadi olaraq qar yağır, temperatur dondurucudan aşağı düşür. Daşqınlar da mütəmadi olaraq baş verir. Alimlər iqlim dəyişikliyinin bölgədə daha çox yağıntıya səbəb olduğunu deyirlər.

Aysel

Afrikada gözlənilmədən qar yağıb: Ölənlər var