"ABŞ-lə nüvə razılaşması mümkündür" - Əraqçi

“İranın nüvə proqramının dinc xarakter daşımasını təmin edəcək razılaşma mümkündür”.

Sfera.az Mehr agentliyinə istinadən xəbər verir ki, bu sözləri İranın xarici işlər naziri Seyid Abbas Əraqçı deyib. 

Nazir “X” sosial şəbəkəsindəki paylaşımında ABŞ Prezidenti Donald Trampın Ağ Evə daxil olarkən “İran nüvə silahına sahib olmamalıdır” fikrini səsləndirdiyini xatırladıb. Əraqçı qeyd edib ki, bu mövqe İranın öz nüvə doktrinasına da uyğundur və bu, razılaşmanın əsasını təşkil edə bilər.

Bazar ertəsi davam edəcək danışıqlardan öncə açıqlama verən Əraqçı bildirib ki, nüvə proqramının dinc məqsədlərlə həyata keçirilməsini təmin edən razılaşma qısa müddətdə əldə oluna bilər.

Onun sözlərinə görə, hər iki tərəf üçün faydalı olacaq belə bir razılaşma, İranın Atom Enerjisi üzrə Beynəlxalq Agentliyin (MAQATE) nəzarəti altında zənginləşdirmə fəaliyyətini davam etdirməsinə və sanksiyaların effektiv şəkildə aradan qaldırılmasına əsaslanmalıdır.

Fidan Hacızadə
Sfera.az