Mask peşmandır: "Həddindən artıq irəli getdim"
Amerikalı milyarder iş adamı İlon Mask ABŞ Prezidenti Donald Tramp ilə son zamanlar yaşadığı gərginliklə bağlı sosial media platforması "X"də fikirlərini bölüşüb. Mask, Trump haqqında yazdığı bəzi paylaşımlarına görə peşman olduğunu etiraf edib və onların "həddindən artıq irəli getdiyini" vurğulayıb.
Sfera.az xatırladır ki, bu gərginlik, Maskın Trampın vergi endirimi qanun layihəsini sərt tənqid etməsi ilə başladı. Tramp isə buna cavab olaraq Maskın hökumət müqavilələrindən faydalanmasını qadağan edib. Prezident İlon Maska kömək etdiyini, lakin onun açıqlamalarına görə məyus olduğunu bildirib.
Mask isə əvəzində Trampın seçkilərdə qələbə qazanmasında mühüm rol oynadığını iddia edərək, Demokratların Nümayəndələr Palatasına nəzarət etməsinin qarşısını aldığını və Respublikaçıların Senatda üstünlük əldə etməsinə kömək etdiyini vurğulayıb. Bundan əlavə, Mask Trampın hökumət borcu ilə bağlı siyasətini kəskin şəkildə tənqid edərək, onun iqtisadi idarəçiliyini sual altına alıb.
Bu mübahisə ictimaiyyət arasında geniş müzakirələrə səbəb olub. İlon Mask və Donald Tramp kimi nüfuzlu şəxslərin siyasi mübahisələrə açıq şəkildə qoşulması ABŞ siyasətinin dinamikliyini daha da artırır. Gələcəkdə bu gərginliyin hansı istiqamətdə inkişaf edəcəyi maraq doğurur.
Altay
