ABŞ-də gərginlik artır: Küçəyə çıxmaq qadağan edildi
ABŞ-nin Los Anceles şəhərində miqrantların keçirdiyi kütləvi aksiyaları dağıtmaq üçün hökumətin təşkil etdiyi əməliyyatlar qarşıdurmalara səbəb olub. Artan gərginlik səbəbilə şəhər meri Karen Bass şəhər mərkəzində küçəyə çıxmaq qadağası tətbiq olunduğunu açıqlayıb.
Sfera.az “Sözcü”yə istinadən xəbər verir ki, verilən məlumata görə, qadağa yerli vaxtla saat 20:00-dan səhər saat 06:00-a qədər qüvvədə olacaq və təxminən 1,6 kvadrat kilometr ərazini əhatə edəcək.
Qadağanın bir neçə gün davam edə biləcəyi bildirilib.
Mer Karen Bass açıqlamasında Tramp administrasiyasına çağırış edərək, miqrantlara qarşı keçirilən əməliyyatlara son verilməsini tələb edib. O bildirib ki, bu cür tədbirlər şəhərdə gərginliyin artmasına və ictimai təhlükəsizliyin təhdid olunmasına səbəb olur.
Etiraz aksiyalarının və təhlükəsizlik tədbirlərinin necə inkişaf edəcəyi isə yaxın günlərdə bəlli olacaq.
Bəsti Rəfizadə
Sfera.az
