Uşaqların dişləri fırçalanmadığına görə valideynlər həbs edildi -TƏFƏRRÜATLAR
İsveçdə kişi və qadına 8 aylıq həbs cəzası verilib. Diş həkimi müayinə zamanı onların üç dişində dəhşətli kariyes aşkarlayıb.
Sfera.az bildirir ki, İsveçdə üç uşağın valideynləri övladlarının ağız gigiyenasına düzgün nəzarət etmədikləri üçün həbs cəzasına məhkum ediliblər.
Ölkənin qərbindəki Boras şəhərindəki dövlət stomatoloji xidmətinin diş həkimi uşaqların dişlərinin vəziyyətinin dəhşətli olduğunu aşkarlayıb. Onun sözlərinə görə, ağızda kariyes olan dişlər vampir görüntüsü yaradıb.
Xəstə dişləri çıxarmaq lazım gəlib. Prosedurdan sonra diş həkimi vəziyyəti yerli polisə bildirib.
Məhkəmə prosesində valideynlər günahlarını inkar ediblər. Müdafiə tərəfinin sözlərinə görə, uşaqların nə anası, nə də atası kariyesin nə qədər təhlükəli olduğunu başa düşməyiblər. Lakin rayon məhkəməsi onları təqsirli bilib.
Valideynlərin hər biri 8 ay həbs cəzası alıb.
Aynil
