Dəmir yolunda partlayış – lokomotiv relsdən çıxdı
Rusiyanın Belqorod vilayətinin Proxorovka rayonunda dəmir yolu xətlərinin partladılması nəticəsində hərəkətdə olan bir teplovoz (dizel lokomotiv) relsdən çıxıb.
Sfera.az xəbər verir ki, məlumatı vilayət qubernatoru Vyaçeslav Qladkov özünün teleqram kanalında paylaşıb. Hadisə zamanı xəsarət alan olmayıb.
Bu, son günlərdə Rusiya dəmir yollarına qarşı həyata keçirilmiş artıq beşinci partlayış hadisəsidir. 1 iyun tarixində Bryansk və Kursk vilayətlərində iki dəmir yolu körpüsü partladılıb. Elə həmin gün Bryanskda daha bir partlayış baş verib. 5 iyunda isə Voronej vilayətində dəmir yolu xətləri yenidən hədəfə alınıb.
Hadisələrin intensivliyi Rusiyanın nəqliyyat infrastrukturunun ciddi təhlükə altında olduğunu göstərir. Təhlükəsizlik orqanları faktla bağlı araşdırmalara başlayıb. (Musavat.com)
