Otel otağına qeyri-adi meyvə gətirən turist cərimə olundu - FOTO
Sinqapurdakı otellərdən biri (Singapore Orchard) Çindən gələn turisti 200 dollar məbləğində cərimələyib. Buna səbəb gənc qızın otaqda durian yeməsi olub. Otel qaydalarına görə kəskin qoxusu olan bu meyvəni otaqda yemək xüsusi təmizlik üçün ödəniş nəzərdə tutur.
Sfera.az bildirir ki, Sinqapur da daxil olmaqla, bir sıra ölkələrdə bir çox ictimai yerlərdə bu meyvənin istifadəsi qadağan edilib.
Otel heyəti otaqda kəskin qoxu aşkar edildikdən sonra qonaqdan peşəkar təmizlik üçün ödəniş tələb etdiyini təsdiqləyib. Mayın 25-dən 26-na kimi oteldə qalan qadın otelin qaydalarına zidd olduğunu bilmədən otağında meyvə yeyib.
"Bizdə bütün qonaqlar üçün eyni standartlar var. Otaqda uzun müddət davam edən qoxu varsa, peşəkar təmizlik və qoxunun zərərsizləşdirilməsi üçün 200 dollar ödəniş alınacaq"- deyə otelin meneceri Sherlyn Wong bildirib. O, qonağın tələblə razılaşdığını və mübahisə etmədən məbləği ödədiyini bildirib.
Turist qız “Xiaohongshu” sosial şəbəkəsində viral olan hekayəsini paylaşıb. O, durianın cəmi 13 dollara başa gəldiyini, lakin cərimənin səyahətdən də baha başa gəldiyini bildirib.
Qızın sözlərinə görə, o, rəfiqəsi ilə gəzinti zamanı meyvəni alıb, harada yeyəcəyini tapa bilməyib və otağına gətirmək qərarına gəlib. Durian artıq soyulmuş və köpük qabına yığılmış olub. Ancaq bu formada belə, güclü bir qoxusu gəlib.
Ertəsi gün qadın otağında işçilərdən ona cərimə barədə bildiriş məktubu tapıb. Bu sürpriz onun üçün şok olub.
Çinli qızın hadisəni təfərrüatı ilə təsvir etdiyi paylaşımdan sonra onun tək olmadığı üzə çıxıb və bir çox turist otellərdə durianların qadağan olunduğundan xəbərsiz olaraq oxşar hadisə ilə üzləşdiklərindən şikayətləniblər.
Xoşbəxtlikdən qatarla geri qayıtmadıq, əks halda cərimə daha da çox ola bilərdi"- deyə turist əlavə edib və digər turistlərə xarakterik qoxusu olan meyvələrlə diqqətli olmağı tövsiyə edib.
Aysel
