Uçuş zamanı qəflətən yoxa çıxan bələdçi gözlənilmədən tualetdə rəqs edərkən yaxalanıb - FOTO
BRITISH Airways-in ekipaj üzvü ABŞ-dan Böyük Britaniyaya uçarkən qəflətən yoxa çıxıb: narahat olan ekipaj üzvləri onu tapanda gördükləri şeydən təəccübləniblər. Kişi biznes-klass tualetində soyunaraq diskotekaya başlayıb: həmin vaxt təyyarə 30 min fut (9 min kilometrdən çox) yüksəklikdə olub.
Sfera.az bildirir ki, dünyanın aparıcı xəbər portalları belə Britaniya təyyarəsinin göyərtəsində baş verən gülməli əhvalat haqqında məlumat yayıb.
Stüard sərnişinlərə yemək və içki paylayan salonda olmalı olduğu halda, qəfildən yoxa çıxıb. Bir müddət sonra o geri qayıtmadığı üçün digər ekipaj üzvləri nəyinsə səhv olduğunu anlayıblar. Sonra onu axtarmağa başlayıblar: məlum oldu ki, stüard biznes tualetə gedib.
Kişi tualetdə çılpaq rəqs edərkən yaxalanıb. Ekipaj rəisi təəccüblənib, eyni zamanda çox qəzəblənib. Digər ekipaj üzvləri isə daha çox qəzəbləniblər (onu əvəz etmək üçün bütün uçuş boyunca fasiləsiz işləməli olublar.
Ekipaj üzvləri: "Onu tapana qədər çox vaxt keçdi. O, tamamilə ağlını itirmişdi” - deyə bildiriblər
Tapdıqdan sonra ona ehtiyat paltar verilərək birinci sinfə aparıb və uçuşun qalan hissəsini orada saxlayıblar. Uçuş, yeri gəlmişkən, təxminən 10 saat çəkib. Təyyarədə təxminən 470 sərnişin olub.
Stüard xidmət qaydalarını pozub və məlum olub ki, uçuşdan əvvəl narkotik istifadə edib. Təyyarənin əməkdaşları bu barədə polisə məlumat veriblər. “British Airways”in təyyarəsi Londona enən zaman həmin şəxsə tibbi yardım göstərilib və daha sonra vəzifəsindən kənarlaşdırılıb.
Hazırda faktla bağlı rəsmi araşdırma aparılır. Ehtimal edilən narkotik istifadəsi ilə bağlı məlumatı ekipaj üzvlərindən biri səsləndirib, lakin hələ də təsdiqlənməyib. Buna görə də stüardın təyyarədə olarkən niyə qeyri-adi şəkildə əylənməyə qərar verdiyi anlaşılmazdır.
Aysel
