Mask Trampı sərt tənqid etdi: "Bu, mənim üçün böyük məyusluq oldu"

ABŞ-li milyarder iş adamı İlon Mask, Ağ Evdəki vəzifəsindən ayrıldıqdan dərhal sonra Prezident Donald Trampı sərt tənqid edib. O, Hökumət Effektivliyi Departamenti (DOGE) ilə bağlı ədalətsizliklərin yaşandığını bildirib və Trampın büdcə siyasətini hədəfə alıb.

Sfera.az xarici mediaya istinadən xəbər verir ki, ABŞ mediasına danışan Mask, Trampın Nümayəndələr Palatasına təqdim etdiyi büdcə layihəsini “böyük xərc paketi” adlandıraraq, bunun nə büdcə kəsirini azaltdığını, nə də DOGE komandasının fəaliyyətinə dəyər verdiyini deyib.

“Bu layihə mənim üçün böyük bir məyusluq oldu”, – deyə Mask bildirib.

Mask həmçinin DOGE-un hökumət tərəfindən haqsız yerə “günah keçisi” elan edildiyini vurğulayıb. O, Trampın müşaviri olduğu müddətdə idarə ilə bir sıra fikir ayrılıqları yaşadığını da əlavə edib: “İdarə sisteminin bütün qərarlarını təsdiqləmirdim, bəzi məsələlərdə prezident və komandası ilə razı deyildim”.
İlon Mask, gələcək planlarında əsas diqqətini kosmik tədqiqatlara yönəldəcəyini də açıqlayıb.

Maskın bu açıqlamaları Tramp administrasiyasının büdcə siyasəti və DOGE-un rolu ilə bağlı müzakirələri yenidən gündəmə gətirib.

Bəsti Rəfizadə
Sfera.az