Səudiyyə Ərəbistanı 75 mindən çox zəvvarı geri göndərdi
Səudiyyə Ərəbistanının Daxili İşlər Nazirliyi bu il Həcc mövsümündə 75 min 943 zəvvar namizədinin Həcc qaydalarını pozduğuna görə geri göndərildiyini açıqlayıb.
Sfera.az “Hürriyet”ə istinadən xəbər verir ki, nazirliyə bağlı İctimai Təhlükəsizlik İdarəsinin rəhbəri general-leytenant Məhəmməd əl-Bassami Məkkədə keçirdiyi mətbuat konfransında bildirib ki, Həcc üçün rəsmi icazəsi olmayan, lakin ölkədə qalma icazəsi olan təxminən 270 min nəfər Məkkə şəhərinə buraxılmayıb.
Əl-Bassami həmçinin əlavə edib ki, təhlükəsizlik orqanları tərəfindən 252 saxta Həcc təşkilatı, 1239 qeyri-qanuni daşıyıcı və 109 mindən çox icazəsiz nəqliyyat vasitəsi aşkarlanıb.
Rəsmilər bu tədbirlərin Həcc ziyarətinin təhlükəsiz və nizamlı şəkildə həyata keçirilməsi üçün görüldüyünü vurğulayıblar.
Bəsti Rəfizdə
Sfera.az
