Səudiyyə kralı İrana xəbərdarlıq etdi
Səudiyyə Ərəbistanının 89 yaşlı kralı Salman bin Əbdüləziz bölgədə qeyri-sabitliyin daha da artmasından narahat olaraq oğlu Şahzadə Xalid bin Salmanı İranın Ali Rəhbəri Əli Xameneiyə təcili mesaj çatdırması üçün Tehrana göndərib.
Sfera.az xəbər verir ki, bu barədə "Reuters" agentliyi məlumat yayıb.
Məlumata görə, İran prezidenti Məsud Pezeşkian, xarici işlər naziri Abbas Əraqçı və İran Silahlı Qüvvələrinin Baş Qərargah rəisi Məhəmməd Baqiri ilə qapalı görüşdə Xalid bin Salman xəbərdarlıq edib ki, D.Tramp uzun danışıqlara o qədər də səbir göstərmir.
Qeyd olunub ki, səfərdə iştirak edən Səudiyyə Ərəbistanın müdafiə naziri də D.Trampla razılaşmanın danışıqların nəticə verməməsindən və İranın İsrailin hücumuna məruz qalmasından daha yaxşı olduğunu vurğulayıb.
