“Dünyanın ən gənc alimi": 2 yaşında dahi adlandırılan oğlan - FOTO

Britaniyalı uşaq yüksək IQ-lu insanlar üçün təşkil edilən “Mensa” klubunun ən gənc üzvü olmaqla yeni dünya rekordu vurub. Qoşulmaq üçün ən azı 132 IQ lazımdır ki, bu da planetdəki insanların yalnız 2%-ni təşkil edir. Valideynləri deyirlər ki, körpə uşaq yaşlarından qeyri-adi qabiliyyətlər nümayiş etdirib. 

Sfera.az bildirir ki, Cozef Harris əvvəlki ABŞ-dan olan kiçik qızın rekordunu qıraraq, təşkilatının ən gənc üzvü olub. O, kluba 2 yaş 182 günlük yaşında qoşulub.

Uşağın anası Rose Harris-Birthill: 

“Onun müstəsna uşaq olduğu aydın idi” - deyə bildirib. Ananın sözlərinə görə, Cozef ilk dəfə beş həftəlik ikən yuvarlanıb, ilk sözünü yeddi ayda deyib və ilk kitabını hələ iki yaşı tamam olmamış əvvəldən axıra qədər oxuyub.

"O, 10 dəqiqə ərzində yüksək səslə səlis oxuyur, beş dildə 10-a qədər saya bilirdi, 100-ə qədər irəli-geri sayırdı" - deyə ana qürurla öyünür.

İndi ağıllı oğlan Morze əlifbasını öyrənir, yunan əlifbasını bilir və elementlərin dövri cədvəli ilə maraqlanır. 

“Onun maraqları geniş və rəngarəngdir, həmişə daha çox öyrənməyə can atır və çətinliyi sevir" - deyə Rose əlavə edir.

Ginnesin Rekordlar Kitabı

Cozef 2 il 195 gündə “Mensa” üzvü olan amerikalı Isley McNabbın rekordunu yeniləyib. Uşağın valideynləri Sent-Endryus Universitetində çalışırlar.

Xatırladaq ki, ikinci Leonardo da Vinçi adlandırılan Almaniyadan olan iki yaşlı uşaq rəsmlərini 7000 dollara qədər satır. Gənc dahinin işi ətrafında yaranan həyəcan hətta kolleksiyaçıları növbəyə durmağa məcbur edib.

Aysel