Yaponiyada küçələrdə artıq çəkisi olan bir insanı görmək həqiqətən çətindir. Əslində bir çox insan bu vəziyyətin yalnız genetika ilə izah oluna biləcəyini düşünür. Amma həqiqət heç də belə deyil. Yaponlar yemək və içmə vərdişlərindən tutmuş gündəlik fəaliyyətlərinə qədər bir çox aspektlərdə çox intizamlıdırlar. Bu vəziyyətdə piylənməyə demək olar ki, yer yoxdur.

Sfera.az bildirir ki, Yapon mətbəxi Washoku adlı ənənəvi yemək mədəniyyəti ilə sağlamlığa xitab edir. “İchiju-sansai” və ya "bir şorba, üç yan yemək" qaydası demək olar ki, hər evdə təqib edilən yemək planıdır. Miso şorbası, tərəvəz, balıq və ya az miqdarda ət, yumurta və ya soya məhsulları və buxarda bişmiş düyüdən ibarət olan bu menyu, tərkibindəki az yağ və balanslaşdırılmış qida tərkibi sayəsində çəki artımının qarşısını alır.

Üstəlik, yeməklər qızartmaq əvəzinə ümumiyyətlə qaynadılır və ya buxarda hazırlanır. Bir sözlə, Yapon mətbəxində üstünlük təşkil edən məntiq “nə qədər dadlı olsa da, çoxu zərərlidir” məntiqidir.

Yapon uşaqları sağlam qidalanmağı təkcə evdə deyil, məktəbdə də öyrənirlər.

Hər bir ibtidai və orta məktəbdə həm nahar yeməyi planlaşdıran, həm də uşaqlara yeməyin faydalarını öyrədən dietoloq var.

Yeməklər hazırlanarkən uşaqlara menyuda nələrin olduğu və bu qidaların orqanizminə necə töhfə verdiyi bildirilir. Bəzi uşaqlar hətta brokoli və ya tərəvəz əriştələrinin sevimli yeməkləri olduğunu deyə bilər.

Yaponiyada süfrə arxasında oturub yemək yeyəndə hər şey eyni vaxtda verilir.

Beləliklə, insanlar nə qədər yemək lazım olduğunu daha yaxşı təsəvvür edə bilərlər. Yemək sırası da çox vacibdir: əvvəlcə şorba və tərəvəz, sonra süd məhsulları, sonra ət və ya balıq, nəhayət düyü və ya desert.

Eyni zamanda, qan şəkəri səviyyələrində qəfil artımın qarşısını alır və yağ yığılmasını azaldır. Digər diqqətəlayiq vərdiş "80% toxluqda dayanma" qaydasıdır. Yaponlar tam doymamışdan əvvəl yeməyi dayandırırlar, beləliklə, bədənlərinin siqnallarını daha yaxşı dinləyirlər.

Yaponiyada avtomobil sürmək dəbdəbəli deyil, insanların çoxu gün ərzində ictimai nəqliyyata üstünlük verir və uzun məsafələri piyada gedir.

Orta hesabla bir yapon adamı gündə 8000 addım atır, yəni təxminən 220 kalori yandırır. Üstəlik, səhər saatlarında parklarda qrup halında idman edən yaşlı insanlara rast gəlmək olduqca yayğındır. İdman təkcə gənclərin deyil, həm də 90 yaşdan yuxarı insanların gündəlik işinə çevrilib.

2008-ci ildə Yaponiya hökuməti bel ətrafı ölçülərinin artması ilə mübarizə aparmaq üçün "Metabo Qanunu"nu təqdim etdi. Bu qanuna görə, 40-74 yaş arası şəxslərin bel ölçüləri ildə bir dəfə məcburi yoxlanılır. Həddini aşan insanlar pəhriz məsləhətlərinə yönəldilir və bəzi şirkətlər hətta işçiləri üçün sağlamlıq planları hazırlamağa məcbur olurlar.

Yaponiya həm də dünyanın ən uzunömürlü insanlarına ev sahibliyi edir.

Qadınlar orta hesabla 88, kişilər isə 81 yaş yaşayır. Üstəlik, onlar nəinki daha uzun yaşayırlar, həm də sağlam və aktiv qalmağı bacarırlar. Yaponiyanın cənubundakı Okinava adası kimi ərazilərdə yaşı 100-dən yuxarı olan şəxslər hələ də rəqs, yürüş və ictimai tədbirlərdə iştirak edirlər.

Aysel

Niyə Yaponiyada artıq çəkili insanları görmək demək olar ki, mümkün deyil?