Ukrayna cəbhəyə getməyə adam axtarır - 24 min dollar ödəniləcək

Ukrayna hökuməti ordunun əsgərə olan ehtiyacını ödəmək üçün təşviqedici vasitələrdən istifadə etməyə başlayıb. 

Sfera.az xarici mediaya istinadən xəbər verir ki,  əsgər çatışmazlığını aradan qaldırmaq üçün 18 yaşdan yuxarı gənclərə 24 min dollar vəd edilir. Hökumət hesab edir ki, bununla orduya daha çox gənci cəlb edə bilər.

Ukraynalı ekspertlər bu təşəbbüsü ABŞ-dən gələcək hərbi yardımın taleyinin qeyri-müəyyən olduğu bir dövrdə Ukraynanın öz müdafiə potensialını artırmaq cəhdi hesab edirlər. Onların fikrincə, Ukrayna bununla daxili resurslara güvənməsini nümayiş etdirir. 

Ekspertlər qeyd edirlər ki, gənclərin müharibəyə cəlb olunması üçün yüksək məbləğdə pul vədlərinin verilməsi, müharibənin uzanması və ordu ehtiyatlarının azalması fonunda qaçılmaz hala gəlib. Bununla belə ekspertlər hökumətin bu addımının etik olmadığını düşünənlər də var:

"Bu cür təşviqlər gənclərin həyatını riskə atmaq qərarına ciddi təsir göstərə bilər. Eyni zamanda, bu strategiyanın uzunmüddətli psixoloji və cəmiyyətə təsirləri də qiymətləndirilməlidir.
Ukraynanın bu addımının nəticələri, həm müharibənin gedişinə, həm də beynəlxalq dəstəyin davam edib-etməməsinə bağlı olaraq formalaşacaq".

Bəsti Rəfizadə
Sfera.az