21 590 nəfər Ermənistandan imtina edib

2020-2024-cü illər arasında 21 590 nəfərin Ermənistan vətəndaşlığı ləğv edilib

Sfera.az xəbər verir ki, bu barədə Ermənistan Daxili İşlər Nazirliyinin məlumatında deyilir.

Məlumata görə, son beş ildə vətəndaşlıqdan çıxan kişilərin sayı qadınların sayından təxminən 24% çox olub. Belə ki, 21 590 nəfərin 13 min 390-ı kişi, 8 min 200 nəfəri isə qadın olub.

Göstərilən müddətdə Ermənistan vətəndaşlığından çıxmış kişi vətəndaşlardan 8732 nəfəri 18 yaşına çatmamışdır.

Son beş ildə ən çox kişi vətəndaşlar (3433 nəfər) 2020-ci ildə, 18 yaşınadək ən çox kişi vətəndaşlar (1966 nəfər) isə 2022-ci ildə Ermənistan vətəndaşlığından çıxıblar.

Firuzə Əliyeva
Sfera.az