"Ukrayna ABŞ üçün sadə silah alıcısına çevirilib" - "The Economist"

Ukrayna ABŞ-nin sabiq prezidenti Co Baydenin administrasiyası dövründə əsas prioritetlərdən biri olduğu halda, Donald Trampın qayıdışı fonunda sadəcə çoxsaylı potensial silah alıcılarından birinə çevrilib.

Sfera.az bildirir ki, bu barədə "The Economist" yazıb. Nəşrin məlumatına görə, Ukrayna "Patriot" hava hücumundan müdafiə sistemlərini almaq üçün nə qədər tələb olunursa ödəməyə hazırdır, lakin Ağ Evin mövqeyi hələlik qeyri-müəyyən olaraq qalır.

Bundan əlavə, Ukraynanın hava hücumundan müdafiə imkanları Rusiya dronlarının intensiv hücumları qarşısında getdikcə daha ciddi çətinliklərlə üzləşir. Materialda vurğulanıb ki, əgər Rusiya ilə Ukrayna arasında aparılan danışıqlarda atəşkəsə nail olunmasa, Kiyevin hava hücumundan müdafiə qüvvələri raket ehtiyatlarını qənaətlə istifadə etmək məcburiyyətində qalacaq.

Fidan Hacızadə

Sfera.az