Təyyarə San Dieqoda 15 evin üzərinə düşdü - FOTOLAR
ABŞ-ın Kaliforniya ştatının San Dieqo şəhərində tez-tez Citation adlandırılan kiçik “Cessna 550” təyyarəsi qəzaya uğrayıb. Səlahiyyətlilər bunu "bir neçə evə birbaşa zərbə" adlandırırlar.
Yanğınsöndürənlər aviasiya yanacağı ilə dolu olan bir neçə küçəni təxliyə edirlər.
Sfera.az bildirir ki, ümumilikdə Montqomeri-Gibbs hava limanı yaxınlığında 15-ə yaxın ev və avtomobil yanıb.
Qurbanların sayı məlum deyil, lakin “Cessna 550” səkkiz sərnişin daşıya bilir.
Yanğınsöndürmə rəisinin köməkçisi Den Eddi: "Bizim əsas məqsədimiz bütün bu evlərdə axtarış aparmaq və dərhal hamını çıxarmaqdır"-deyə bildirib.
Hazırda istər təyyarənin sərnişinləri, istərsə də təyyarənin qəzaya uğradığı evlərin sakinləri arasında ölən və ya xəsarət alanların olub-olmadığı məlum deyil.
Eddi: "Təyyarənin uçuş-enmə zolağından kənardakı evlərə çırpılması ən pis ssenaridir"-deyə bildirib.
Təyyarənin haradan gəldiyi hələ də araşdırılır, lakin yanğınsöndürənlər qatı dumanın olduğunu və bunun qəzaya səbəb ola biləcəyini deyirlər.
Federal Aviasiya Administrasiyası (FAA) “Cessna 550”nin göyərtəsində olan insanların sayının hələlik məlum olmadığını bildirib. Ancaq qeyd etdiyimiz kimi, təyyarə səkkiz nəfər tuta bilir.
Jurnalistlər Citation təyyarəsinin mayın 21-də axşam saatlarında Nyu-York yaxınlığında yerləşən Teterboro hava limanından havaya qalxdığını müəyyən edib. San Dieqoya uçmazdan əvvəl Kanzas ştatının Viçita şəhərində təxminən bir saat dayanıb.
Heç bir nasazlıq əlaməti olmayıb və fövqəladə vəziyyət elan edilməyib.
Hava limanında idarəetmə qülləsi var, lakin gecələr orada insan olmur, buna görə də pilotlar öz niyyətlərini "hava hərəkəti haqqında ümumi xəbərdarlıq tezliyi" ilə dinləyən bütün digər pilotlara çatdırırlar.
FAA qeydlərinə görə, qəzaya uğrayan təyyarə Alyaskadakı bir şirkətə məxsusdur və 1985-ci ildə istehsal edilib.
Xatırladaq ki, 2025-ci ilin əvvəlindən ABŞ-da artıq bir neçə səs-küylü hava qəzası baş verib.Məsələn, yanvar ayında göyərtəsində 64 nəfərin olduğu “American Airlines Bombardier CRJ700 “sərnişin təyyarəsi Vaşinqtonda Potomak çayının bir az üstündə “Black Hawk” hərbi helikopteri ilə toqquşub.
Aysel
