Rusiyada senzuranın yeni dalğası barədə məlumat yayılıb. Belə ki, sentyabrın 1-dən Rusiya Federasiyasında Roskomnadzorun qərarı qüvvəyə minəcək. Qərara əsasən, insanları uşaq sahibi olmaqdan vaz keçməyə sövq edən və ya bu cür qərarlara əsaslandıran bütün materialların qadağan ediləcəyi gözlənilir.

Sfera.az bildirir ki, Rusiya Federasiyasının Federal Məclisi qadağaya görə Rusiyanın onlayn kinoteatrlarından yoxa çıxa biləcək serial və filmlərin siyahısını dərc edib.

Bildirilib ki, Harri Potter filmlərinin qadağan edilməsinə səbəb qəhrəman Minerva Makqonaqal ola bilər.

Rusiya mətbuatı yeni qadağaya sehrbazlar haqqında bir sıra filmlər və “Taxt oyunları” serialının daxil edildiyini yazıb. Dövlət Duması bəyan edib ki, filmin nə vaxt çəkilib ekrana çıxmasının heç bir əhəmiyyəti yoxdur.

Xüsusilə, bu siyahıya daxildir:

"Kartlar evi" - Klerin xarakterindən həmsöhbətinin uşaq sahibi olmaq qərarına peşman olub-olmaması ilə bağlı sual vasitəsilə;

"Seks və Şəhər" - əsas personajlardan biri Samanta vasitəsilə;

"Game of Thrones" - kişilərlə bərabər cəngavər olmaq arzusunda olan və uşaq sahibi olmaqdan imtina edən Tarth Brienne vasitəsilə;

Harri Potter filmləri - yaşına baxmayaraq övladı olmayan professor Minerva MakQonaqall vasitəsilə.

Lenta.ru-nun verdiyi məlumata görə, Dövlət Dumasının İnformasiya Siyasəti Komitəsinin sədrinin birinci müavini Aleksandr Yuşşenko deyib: "Qadağan olunmuş məlumatları ehtiva edən məzmun silinəcək və ya bloklanacaq. Bu, filmlərin çəkildiyi vaxtdan asılı deyil. Hər bir qərar fərdi və qanunvericiliyə uyğun olacaq".

Lakin serialların və filmlərin mümkün bloklanması ilə bağlı məlumat yayıldıqdan sonra RİA Novosti “Roskomnadzor”a istinadən bu məlumatı təkzib edib. İddialara görə, departament dəyişikliklərin “Harri Potter” və “Game of Thrones” filmlərinə təsir etməyəcəyini iddia edib.

Eyni zamanda, sonradan “Parlament qəzeti” siyahının sadəcə redaksiya heyətinin rəyi olduğunu bildirib. Rusiya mətbuatı isə siyahının ekspertlərə istinadən dərc edildiyini qeyd edib.

Aysel

Rusiyada “Harri Potter” qadağan edilir: Niyə Makqonaqalı sevmirlər?