ChatGPT ilə birgə planlaşdırıb: 16 yaşlı şagird məktəbdə 3 qızı bıçaqlayıb
Finlandiyada bıçaqlı hücumun görüntüləri bütün dünyada manşetlərə çevrilib. 16 yaşlı oğlan şagird sosial şəbəkədə paylaşım edərək məktəbdə 3 qız şagirdə bıçaqla hücum edib.
Təcavüzkarın bədəninə taxılan kamera ilə hadisəni lentə aldığı, hücumu 6 ay ChatGPT-dən istifadə edərək planlaşdırdığı öyrənilib.
Sfera.az xəbər verir ki, Finlandiyada 16 yaşlı uşaq qətliam törətməyə cəhd edib.
Ölkənin cənubundakı Tampere şəhəri yaxınlığındakı Pirkkala qəsəbəsindəki Vahajarvi məktəbində bir oğlan şagird üç qız şagirdə bıçaqla hücum edib.
Yaralı şagirdlərin ölüm təhlükəsi yoxdur, hücum edən şagird məktəbə gələn polis tərəfindən saxlanılıb.
16 yaşında olduğu bildirilən təcavüzkarın hadisədən əvvəl sosial şəbəkədə açıqlama yaydığı məlum olub.
Onun hücumda bıçaqdan istifadə etməyi, qız tələbələri hədəf almağı, 1 nəfəri öldürməyi, ən azı 2 nəfəri isə yaralamağı planlaşdırdığı iddia edilib.
“Həyəcanlı bir şey” etmək istədiyini ifadə edən hücumçunun heç bir dostu olmadığı və heç kimlə ünsiyyət qurmaq istəmədiyi iddia edilir.
Onun sözügedən hərəkəti süni intellekt ChatGPT köməyi ilə 6 ay planlaşdırdığı da öyrənilib.
Aynil
