Türkiyədə bir ilk: “Melodiyalı yol” istifadəyə verildi – VİDEO

Türkiyənin Nəqliyyat və İnfrastruktur naziri Abdulkadir Uraloğlu “Melodiyalı yol” tətbiqinin ilk dəfə Nallıhan–Beypazarı dövlət yolunda istifadəyə verildiyini açıqlayıb.

 

Sfera.az xəbər verir ki, bu barədə “ntv.com.tr” saytı yazıb.

Nazirin sözlərinə görə, bu tətbiq yol üzərinə yerləşdirilən işarələmələr və ya çuxurlar vasitəsilə avtomobillər keçərkən səs və titrəmə yaratma prinsipinə əsaslanır. Avtomobil müəyyən bir sabit sürətlə hərəkət etdikdə, Mozartın “Türk Marşı” melodiyasını aydın şəkildə eşitmək mümkündür.

İlk tətbiq Ankarada həyata keçirildi
 

Uraloğlu bildirib ki, Karayolları Baş İdarəsi tərəfindən icra edilən layihə Ankaranın Nallıhan rayonunun Eymir kəndi ərazisində, yəni Nallıhan–Beypazarı dövlət yolunun 21-ci kilometrində həyata keçirilib.
 

Layihə 12 may 2025-ci ildə başlayıb və 16 may 2025-ci ildə tamamlanıb. Tətbiq nəticəsində avtomobillər müəyyən sabit sürətlə hərəkət etdikdə Mozartın “Türk Marşı” melodiyası eşidilir.

 

Yeni mərhələ: Ankara–Eskişehir yolunda

Nazir əlavə edib ki, ikinci tətbiq mərhələsi 17 may 2025-ci ildə Ankara–Eskişehir dövlət yolunun 37-ci kilometrində, Kertek məhəlləsi ərazisində başlanılıb.
 

Uraloğlu bildirib ki, bu cür tətbiqlər beynəlxalq nümunələrə əsaslanaraq, yaşayış yerlərindən uzaq ərazilərdə həyata keçirilir. Səbəb səs-küyə görə yaranan ictimai narazılıqların qarşısını almaqdır.

Sabit sürət və yolun keyfiyyəti vacibdir

Nazir Uraloğlu qeyd edib ki, melodiyalı yol sisteminin düzgün işləməsi üçün müəyyən texniki meyarlar vacibdir:

Nəqliyyat vasitələrinin orta hesabla saatda 100 km sabit sürətlə hərəkət edə bilməsi

Yolun düz və hamar olması

Üst qatın bərabər olması

Ağır tonnajlı nəqliyyatın az olduğu yolların seçilməsi.

Bu meyarlar sayəsində melodiyanın aydın eşidilməsi və yol səthinin tez sıradan çıxmaması təmin olunur.

Bu layihə Türkiyədə nəqliyyat təhlükəsizliyini artırmaqla yanaşı, sürücülərə estetik və fərqli bir təcrübə də təqdim edir.